Pse u 10-fishuan gjobat për biznesin e madh? – Tabaku: Lejoni ndërtimin të pastrojë para me thasë, penalizoni subjektet e ndershme

Opozita nuk pajtohet me 10 fishimin e gjobave për bizneset e mëdha me argumentin e uljes së infomalitetit në ekonomi, duke e cilësuar projektligjin për procedurat tatimore të cunguar dhe që nuk prek të gjitha hallkat e ekonomisë informale, siç është sektori i ndërtimit.

“Ndryshimet në ligjin për procedurat tatimore  nuk prekin pjesën e ndërtimeve informale dhe pagesat cash qe ekzistojne ne ekonomi. Gjobat rriten ne 10 here për biznesin e madh dhe parimi eshte i gabuar. Ne nje moment kur po diskutohet amnistia fiskale, sa e drejte qe qe per biznesin e drejte te vendosen gjoba 10 here me te larta dhe të amnistoni evazoret? Shqetesimi kryesor eshte 10 fishimi i gjobave, niveli me i larte  marre ndonjehere, ekonomia informale nuk luftohet me gjoba”, tha Jorida Tabaku, deputete e PD.

Në përgjigje të këtyre shqetësimeve, Ministrja e Financave është shprehur se është 10 fishuar gjoba vetëm në një rast, si masë parandaluese ndaj devijimeve të biznesit të vogël, ndërsa nuk ka pranuar fenomenin e pastrimit të parave në ndërtim. “Per luftimin e  parasë cash ne ekonomi kemi vendos limit ne arke,  kur limitohet cash-i ne arke neper biznese, rrjedhimisht limitohet pranimi i cashit tel individe.  Sa i takon blerjes se pasurive te paluajtshme ato s’behen me cash por me transferta bankare, kontratat firmosen tek noteren. Limiti i cashit eshte 150 mije leke dhe mendojme qe eshte i arsyeshem. Sa i takon 10 fishit te gjobave, vetem njera eshte propozu per 10 fishim, që lidhet me mallrat e pashoqeruara me fature per bizneset e medha. Per biznesin e vogel nuk  është parashiku asnje 10-fishhim gjobe, pasi duke e 10-fishuar ate tek biznesi i madh,  do ta parandaloje dergimin e mallit per fature”.

Por sërish, opozita ka qenë  e pakënaqur nga argumenti i Ministres, duke e cilësuar sistemin tatimor të dështuar dhe ndyrshimet ligjore përjashtuese.

“Ne kete ligj ju nuk merreni me mardhëdhëniet qytetar biznes. Po blihen apartamente me para cash me shuma marramendëse deri në 5 milionë euro. Nese ne 10-fishojme gjobat per bizneset dhe leme jashte qytetaret, ate mangesi qe ka sistemi tatimor, por e transfermojme tek biznesi. Ketu ka deshtuar sistemi tatimor dhe kjo politikë nuk i sherben qellimit te luftës ndaj informalitetit,’ u shpreh Tabaku.

Komisioni ka diskutuar edhe ndryshimet në ligjin e akcizave dhe të Tatimit mbi Vlerën e Shtuar, ku ka pasur pakënaqësi, sugjerime dhe kërkesa nga ana e deputetëve.

Elisabeta Dosku / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.