Qeveria, Eurobond pa votim në Kuvend – Leskaj: Krijohen hapësira për abuzime. Ministria: Nuk bie ndesh me Kushtetutën

Projektligji që kalon të Agjencia e Trajtimit të Kredive kompetencën për miratimin e garancive shtetërore, por veccanërisht, e drejta që i jep vetes Qeveria për të marrë borxh të jashtëm pa votim paraprak në Kuvend, ka shkaktuar reagime të forta të Opozitës.

Në Komisionin Parlamentar të Ekonomisë, deputetët e djathtë kanë ngritur pikëpyetje mbi këtë kompetencë që merr përsipër Ministria e Financave, në një kohë që rezerva të forta kanë shprehur edhe sa i përket kalimit te Agjencia e Trajtimit të Kredive të kompetencës për miratimin e garancive shtetërore.

Ndërkohë që Zëvendësministrja e Financave tha se nuk bëhet fjlaë për anashkalim të Kuvendit sepse borxhi i jashtëm parashikohet në ligjin e buxhetit të shtetit bashkë me Eurobondin, dhe se Qeveria thjesht kërkon fleksibilitet në zgjedhjen e momentit për të gjetur në treg interesa më të ulëta.

Një prej pikave më të debatuara të draftit të Ministrisë së Financave është roli i ri që do të marrë Agjencia e Trajtimit të Kredive në dhënien e garancive shtetërore veccanërisht ndaj kompanive provate.

Lorenc Rabeta / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.