Qeverisja vendore ne zonat rurale – Fshatrat boshatisen nga  Mungesa e shërbimeve dhe  mospërfaqësimi

Në Shqipëri, situata financiare e njësive vendore paraqet sfida për të ardhmen, edhe pse ajo është përmirësuar krahasuar me 8 vite më parë, kur u miratua reforma territoriale – administrative. Sipas një raporti Vjetror Monitorimi kryer nga  Institutit për Bashkitë e Shqipërisë, vërehet një shpërndarje e pabarabartë e shërbimeve publike midis zonave urbane dhe atyre rurale.

Një nga problemet më të mëdha aktualisht është shpërndarja e pabarabartë të shërbimeve publike në zonat urbane dhe ato rurale. Sipas studimit diferencat në shërbimet publike nga zonat urbane në ato rurale, ku jetojnë 30-40 për qind e popullsisë është shumë e madhe.

Edhe banka boterore në raportin e fundit për Shqipërinë, raporton  se ka pabarazi dhe se shërbimet publike, pas reformës territoriale, janë lënë totalisht pas dore. Në dimensionin e shtrirjes gjeografike vërehen probleme, pasi zona të largëta nga qendra e bashkisë, nuk po marrin shumë prej shërbimeve dhe janë jashtë vëmendjes dhe në aspektin social.

Bashkitë në Qarqet e Gjirokastrës, Beratit, Kukësit, Dibrës po boshatisen çdo ditë dhe po krijohen vende, zona, fshatra të boshatisura, për shkak se qytetarëve nuk u garantohen garatuar të njëjtat kushte dhe standarte jetese nga shërbimet. Një qytetar në Konispol në Has apo në Tropojë nuk merr të njëjtat shërbime si ata qyettarë që jetojnë në zona urbane.

Mungesa në infrastrukturë, veçanërisht rrugore, është më e dukshme dhe rëndon më shumë tek bashkitë tashmë me një territor më të madh sidomos në zonat rurale.

Raporti i Vlerësimit të Eksperiencave më të mira, hartuar nga Shoqata e Bashkive si pjesë e Projektit STAR2 tregoi nevojën për shërbime në infrastrukturë publike nëpër bashkitë tashmë më të mëdhaja në aspektin territorial dhe të popullsisë. Nevoja për përmirësime në infrastrukturë apo për infrastrukturë të re haset në çdo bashki dhe ka marrë vëmendjen dhe një pjesë të mirë të buxhetit vendor. Nga ky vlerësim kryer në 2018 rezultoi se në total ishin 35 bashki kishin si prioritet infrastrukturën dhe shërbimet publike përgjatë mandatit të tyre nga 61 bashki në total, ose mbi 57%.

Dhënia e shërbimeve administrative, kërkesa të ndryshme ankesa apo konflikte mes qytetarëve tashmë kërkojnë shumë më tepër kohë për tu adresuar nga bashkia. Progres në këtë drejtim kemi me ngritjen e zyrave me një ndalesë. Nga 61 bashki, 17 prej tyre janë kufitare dhe 11 kanë dalje në det, e megjithatë zhvillimi ekonomik dhe turizmi malor apo bregdetar lë shumë për të dëshiruar dhe pas disa nismave si ajo e 100 fshatrave (nga 2995 fshatra që janë gjithsej) që vjen tërësisht si inciativë e qeverisë qendrore.

Një tjetër problem është edhe çështja e përfaqësimit në këshillat bashkiakë të njësive administrative të zonave rurale. Banorëte e njësive në zonat rurale nuk kanë përfaqësimin e duhur në këshillat bashkiakë. Vështirësitë ekonomike, mungesa e shërbimeve në zonat rurale, niveli I ulët I jetesës dhe mospërfaqësimi janë kaktorë edhe për largimin e të rinjëve nga fshati dhe boshatisjen e  e fshatrave  si rrjedhojë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.