Qytetarët e Maqedonisë së Veriut hasen me vonesa në lëshimin e pasaportave të reja!

Mijëra qytetarë maqedonas rrezikuan të mos ishin në gjendje të largoheshin nga vendi pas 12 shkurtit nëse nuk kishin marrë pasaportat e tyre të reja.

Qytetarët e Maqedonisë së Veriut u dyndën në radhë në stacionet policore këtë fundjavë që lamë pas në përpjekje për të marrë pasaportat e tyre të reja. Të hënën skadon vlefshmëria e të vjetrave që nuk mbajnë fjalën “Veri”.

Ndërsa letërnjoftimet e vjetra do të mbeten të vlefshme në shtëpi, vonesa në lëshimin e pasaportave kërcënon të ndikojë në lëvizjet e qytetarëve, duke kufizuar udhëtimin e tyre dhe duke penguar ata që janë jashtë pas 12 shkurtit të kthehen në shtëpi.

“Fizikisht është e pamundur të lëshohen të gjitha dokumentet brenda afatit. Vetë shtypja dhe lëshimi i pasaportave përbën problemin më të madh dhe ai mund të zvogëlohet vetëm me organizim dhe menaxhim më të mirë,” tha ministri i brendshëm në detyrë i sapoemëruar, Pançe Toskovski.

Me ritmin aktual të lëshimit të rreth 50,000 pasaportave në muaj, ai vlerësoi se do të duhej edhe një vit i plotë pas përfundimit të këtij procesi.

Mosmarrëveshja e emrit përfshin dekada, duke shkaktuar një veto greke kundër ish-republikës së re të pavarur jugosllave lidhur me përdorimin e emrit “Maqedoni” për vendin duke pretenduar se ata kishin një rajon me të njëjtin emër.

Zgjidhja e mosmarrëveshjes së emrit zgjati 11 vjet, derisa në vitin 2018, ajo që atëherë quhej Republika e Maqedonisë, nënshkroi Marrëveshjen e Prespës me Greqinë me shumë lëvdata, duke rënë dakord të shkonte deri në ndryshimin e emrit në Maqedoninë e Veriut për të kapërcyer një veton nga Athina që pengonte pranimi i vendit në BE dhe NATO.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.