Rama, kundër rritjes së pagave për deputetë e ministra – “Duhet të hyjnë në fuqi pasi të përfundojë e gjithë reforma”. Opozita e mazhoranca bashkojnë votat dhe e miratojnë
Kryeministri Edi Rama është shprehur kundër rritjes së pagave të ministrave dhe deputetëve, duke u shprehur se nuk do ta votojë projektligjin. Rama theksoi se rritja e pagave për këto dy kategori, duhet të hyjë në fuqi vetëm kur të miratohet e gjithë reforma, deri tek personi i fundit në vend.
“Unë jam kundër, unë nuk e votoj këtë pikë, paga duhet të vendoset sot dhe të hyjë në fuqi kur të bëhet rritja deri tek më i fundit, nëse mësuesve u themi që do e merrni sot këtë rritje dhe rritjen tjetër, për deputetët dhe ministrat paga duhet të hyjë në fuqi vetëm kur të jetë për të gjithë, për solidaritet dhe për atë që kush merr më shumë duhet të bëjë më shumë. Je nuk mund të bëjmë një gjë të pakuptimtë, disave kështu, disave ashtu, gjëja e parë që duhet të bëni këtu është që kur të vini këtu duhet të llogarisni nervat e popullit. Nuk ju shpëton dot asnjë baltë që hidhni këtu.”
Kreu i qeverisë tha se është bërë një gabim në sektorin e drejtësisë, pasi prokurorët nuk mund të paguhen sa presidenti i vendit. Propozimi fillestar i Ministrisë së Financave ishte që rishikimi i pagave për deputetët dhe ministrat të bëhej në një fazë të dytë, por anëtarët e Komisionit të Ekonomisë propozuan që të mos përjashtoheshin dhe propozimet e tyre, bashkë me koeficientet përkatës u miratuan në unanimitet.
Kuvendi ka miratuar të tre projektligjet për reformën e pagave në institucionet kushtetuese dhe administratën publike. edhge pse ndryshimet ligjore mund te miratoheshin me shumice te thjeshte, ne momentin e votimit 95 deputete bashkuan votat dhe e miratuan draftin, duke shenuar dakordesi mes mazhorances dhe opozites.
Elisabeta Dosku/ SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.
Artikujt e Fundit
