Rama: Satelitët, një kryeinspektoriat në qiell – “Do të ndalojmë ndërtimet pa leje. Në plan dhe dronët e armatosur”

Agjencia Kombëtare e Mbrojtjes Civile dhe Operatori “Satellogic USA” nënshkruan kontratën e Shërbimit Satelitor në fushën e mbrojtjes dhe sigurisë për monitorimin me teknologji të avancuar në të gjithë territorin e Shqipërisë.

Gjatë prezantimit të këtij shërbimi kryeministri Rama teksa i konsideroj satelitët një kryeinspektoriat nga qielli ka njoftuar se do të funksionojnë edhe për evidentimet e ndërtimeve pa leje.

Rama u shprehj se: ‘Për të gjithë ata që na kanë qeshur unë sot mund t’i them se do të kemi një inspektorat në qiell, i cili nuk ka parti, nuk ka kushërinj, nuk ka emër të përveçëm por një sy që i shikon të gjitha. Me satelitët nuk do të ketë mundësi që të ndërtohen katet pa leje pa u vënë re që në momentin që nisin. Kjo nuk do të varet më nga inspektorë apo policë që herë pas herë nuk kanë sy fare për të parë nëse një pallat aty pranë shton dy kate, sepse sytë ia mbyll paraja.’

Rama bëri me dije se së shpejti Shqipëria do të pajiset edhe me dronët e armatosur. ‘Do të ketë shumë sy mbi territor dhe do të jetë e pamundur që sytë ekskluzivë të monitoruesit të territorit t’i shesin shtetit një informacion të gabuar duke bërë letra false. Satelitët shumë shpejt do të pasohen nga dronët. Ne kemi vendosur t’i kompletojmë dhe të marrim dronë të armatosur. Natyrisht janë për rast ekstrem kundër terrorizmit apo një armiku potencial, por dronët kanë një tërësi funksionesh në përputhje me satelitët,’ tha ai.

2 satelitët me emrat Albania 1 dhe 2 do t’i kushtojnë shtetit shqiptar 6 milionë dollarë për një kohëzgjatje kohore prej 3 vitesh.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.