Rriten borxhet për faturat e OSHEE – 80.22 mld lekë të palikujduara. Pas 3 vitesh familjarët thelluan detyrimet e prapambetura

Borxhi total, që klientët kanë ndaj Operatorit të SHpërndarjes së Energjisë Elektrike përsoi rritje gjatë 4- mujorit të parë të këtij viti, duke arritur shifra rekord, të paktën në 15 vitet e fundit. Sipas të dhënave zyrtare nga Enti Rregullator i Energjisë, vlera për detyrime të papaguara ndaj OSHEE nga klientët familjarë, institucionet shtetërore, ujësjellësit dhe biznesve deri në fund të muajit prill arriti në 80.22 mld lekëve, nga 79.91 mld lekë që ishte në fund të vitit 2022.

Rritje e faturave të papaguara është shënuar nga klientët jobuxhetorë, ku përfshihen ujësjellësit dhe nga konsumatorët familjarë, për të cilët të paktën që nga viti 2020 borxhi kishte tendencë rënëse.  rez.

Ndryshe paraqitet situata për institucionet shtetëore, që në 4-mujorin e parë të vitit kanë shënuar një tendencë rënëse, duke rritur në vlerën e 4.69 mld lekëve,  nga 4.79 mld lekë që ishte në dhjetor 2022.

Po ashtu, edhe kategoria e bizneseve ka shënuar një përmirësim të lehtë të detyrimeve të papaguara ndaj OSHEE-së, duke zbtritur në vlerën e 11.63 mld lekë, nga 11.71 mld lekë që ishte në fund të vitit që shkoi. Kjo rënie vjen pas një viti të vështirë që kaluan bizneset, të cilët u përballën me rritjen e çmimit të energjisë, çka solli një thellim të borxheve për fatura të energjisë elektrike.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.