Rriten pensionet private, 36 mijë qytetarë në skemë – Totali i aseteve të fondeve arrin në 54 milionë dollarë, 18.8 % karahasuar me 2021

Sektori i pensioneve private është një tjetër segment i tregut financiar shqiptar që ka shënuar rritje të ndjekshme gjatë këtij viti, bashkë me sigurimet apo tregun sekondar të letrave me vlerë. Autoriteti i Mbikqyrjes Financiare bën me dije se gjatë periudhës janar-shtator 2022, është rritur si numri i personave që janë përfshirë në të për të siguruar të ardhura shtesë me mbërritjen e moshës së pensionit, ashtu edhe volumi i parave të investuara.

Të dhënat e publikuara nga AMF për tregun e pensioneve private vullnetare deri më 30.09.2022 tregojnë një total asetesh neto prej  5,4 miliardë lekësh, afërisht 54 milionë dollarë. Totali i aseteve rezulton me një rritje prej 870.32 milionë lekë, apo rreth 8 milionë dollarë krahasuar me 31.12.2021. rritja është në masën 18.9% krahasuar me fundin e vitit të shkuar.

Numri i anëtarëve në fondet e pensioneve, më 30.09.2022 rezultoi 36,020 anëtarë duke shënuar një rritje prej  7.29% krahasuar me 31.12.2021. në fund të vitit 2021 numri total i anëtarëve ishte rreth 31 mijë, që do të thotë se janë përfshirë gjatë këtyre muajve rreth 5 miljë anëtarë të rinj.

Në shqipëri aktualisht numërohen 4 fonde pensionesh private që mundësojnë skema sigurimi shtesë paralelisht me atë shtetëroren. Në rritje janë për këtë vit edhe numri i paketave që ofrojnë këto fonde, të cilat në total rezultojnë 312. Numri i anëtarësisë dominohet nga femrat; 18,464 prej anëtarëve janë femra dhe 17,556 meshkuj.

Lorenc Rabeta / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.