Rritet çmimi i naftës – Optimizëm për kërkesën e Kinës, shqetësime për ofertën

Çmimet e naftës shënuan rritje mes optimizmit mbi rimëkëmbjen e kërkesës së Kinës, por dhe shqetësimeve se nëninvestimet do të pakësojnë ofertën e ardhshme të naftës pasi prodhuesit kryesorë këmbëngulin në kufijtë e prodhimit.

Nafta e papërpunuar Brent u rrit me 70 cent, ose 0.8%, në 83.70 dollarë për fuçi. Nafta e papërpunuar e SHBA-së Ëest Texas Intermediate, ishte në 76.89 dollarë për fuçi, 55 cent ose 0.7%. Kontrata më aktive e prillit u rrit me 0.8% në 77.14 dollarë.

Standardet u ulën me 2 dollarë për fuçi të premten dhe u mbyllën me rreth 4% javën e kaluar pasi Shtetet e Bashkuara të Amerikës raportuan më shumë rezerva të naftës së papërpunuar dhe benzinës.

Sipas analistëve, ndërsa njoftimi i javës së kaluar se SHBA-ja do të shesë 26 milionë fuçi naftë bruto nga Rezervat Strategjike të Naftës shton një presion në rënie në treg, oferta globale duket të jetë “e sheshtë në rënie” kundrejt periudhës së mëparshme korresponduese pas faktorizimit në shkurtimet e prodhimit nga Rusia dhe OPEC+.

Kjo analizë ka të bëjë me marrëveshjen e Organizatës së Vendeve Eksportuese të Naftës – OPEC dhe aleatëve, OPEC +, tetorin e kaluar për të ulur objektivat e prodhimit të naftës me 2 milionë fuçi në ditë deri në fund të 2023 – shit.

Rusia planifikon të ulë prodhimin e naftës me 500 mijë fuçi në ditë, ose rreth 5% të prodhimit në mars, pasi perëndimi vendosi kufizime të çmimeve për naftën dhe produktet e naftës ruse.

Analistët presin që importet e naftës të Kinës të arrijnë një nivel të lartë historik në vitin 2023 për shkak të rritjes së kërkesës për karburant transporti dhe pasi rafineritë e reja hyjnë në qarkullim. Kina, së bashku me Indinë, janë bërë blerësit kryesorë të naftës së papërpunuar ruse pas embargos së Bashkimit Europian.

Në të njëjtën kohë, mungesat e ardhshme të furnizimit me naftë ka të ngjarë të çojnë çmimet drejt 100 dollarëve për fuçi deri në fund të vitit, sipas analistëve nga Goldman Sachs.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.