Rritet kosto e prodhimit të qumështit në Itali – 55% më e shtrenjtë, për shkak të rritjes së çmimit të gazit dhe energjisë

Shoqata italiane që përmbledh rreth 250 kompani që përpunojnë qumështin dhe përfaqësojnë 90% të tregut italian, ka dhënë alarmin për sa i përket kostos së prodhimit. Sipas saj pas rritjes së cmimit të gazit me më shumë se 653% në vit, energjisë 236% në vit dhe plastikës për ambalazh me 26% më shumë, kostoja e prodhimit të qumëshit ka arritur një nivel që askush nuk do të e kishte imagjinuar dot. Sipas ekspertëve në shumë rajone të jugut të vendit qumështi kushton më shumë se në pjesën tjetër dhe kontratat që do të firmosen për në vjeshtë e dimër do të karakterizohen nga cmime dhe më të larta.

Industria e prodhimit të qumështit deri tani ka dëgjuar ankesat e fermerëve duke përshtatur cmimet me koston e prodhimeve agrare. Por cështja është se pjesa më e madhe e rritjes së kostove ka mbetur në kurriz të sipërmarrjeve duke rrezikuar mbijetesën e kësaj industrie. Të dhënat e përditësuara konfirmojnë për një rritje prej 8.2% në bazë vjetore të kostos së prodhimit. Nëse kostoja e lëndës së parë do të vijojë të rritet, si po ndodh në realitet, shumë sipërmarrje të sektorit rrezikojnë falimentimin.

Sipas të dhënave të shoqatës një familje italiane me tre persona, për të blerë qumësht, gjalp, djathë dhe kos shpenzon cdo ditë më pak se 1.8 euro: 60 cent për person. Në një kohë që sipërmarrjet kërkojnë një rritje të kostos deri në 80 cent për person. Paralajmërimi është për faktin se janë me qindra sipërmarrjet e vogla dhe mesatare që rrezikojnë të mbyllen. Për të shmangur impaktin negativ tek konsumatorët për rritjen e kërkuar shoqata italiane për përpunimin e qumështit propozon heqjen e tvsh-së për produktet e këtij sektori.

Dorina Kurtaj / SCAN

 

 

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.