Rritja e çmimit të vajit shton “kriminalitetin”! – Policia spanjolle sekuestron 74 ton ullinj të grabitur në Sevilje
Rritja e çmimit të vajit të ullirit po jep pasoja nga më të ndryshmet, ndër të cilat dhe rritjen e kriminalitetit.
Policia spanjolle ka sekuestruar një sasi prej 74 ton ullinj të grabitur në qytetin e Seviljes, duke deklaruar se ky është një fenomen që po haset shpesh kohët e fundit. 12 persona janë arrestuar ndërsa 11 të tjerë janë nën hetim.
Pronari i magazinës ku mbahej sasia rekord, i zhyste ullinjtë në shëllirë, duke i bërë ata të pazbulueshëm gjatë inspektimeve.
Vlera e ullinjve të sekuestruar shkon deri në 500 mijë euro.
Dorina Kurtaj /SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.