Rritja e parë e bonove të thesarit, pas rënies së pandërperë – Në ankandin e kësaj jave, instrumentet me maturim 3-mujor shënuan ngritje modeste të interesave

Në muajin mars është shënuar rritja e parë e interesave të letrave me vlerë të Qeverisë, në rënie të pandërprerë që prej nëntorit të vitit të shkuar. Kanë qenë bonot me afat maturimi 3 mujor që në ankandin e kësaj jave kanë shënuar një rritje modeste. Nga 2.76% në ankandin e mëparshëm të shkurtit, norma mesatare e ponderuar për këtë instrument është rritur në 2.82% këtë muaj. Ato arritën pikën më të lartë në muajin dhjetor të vitit të shkuar, në nivelin mbi 3%, për të shënuar rënie të njëpasnjëshme gjatë dy muajve të këtij viti.

Është rritja e parë pas një rënie të vazhdueshme prej rreth 3 muajsh, edhe sinjal që mbiraeagimi i tregut ndaj pritshmërive për inflacionin dhe rritjes së mëtejshme të normës bazë nga Banka e Shqipërisë është qetësuar tërësisht. Gjitëthësi duhet pritur ankandi i bonove një vjeccare për të kuptuar nëse do të kemi një frenim të rënies, apo edhe rritje.

Nga 4.09% në ankandin e 21 shkurtit, normat e interesit të bonove të thesarit me afat maturimi 12 mujor kanë rënë në kuotën 3.93% në ankandit e 28 shkurtit. Të dhënat janë publikuar nga Banka e Shqipërisë, sipas së cilës në ankandin e ditës së fundit të shkurtit, u emetuan një sasi bonosh prej 8 mililiardë lekësh, afërisht 80 milionë dollarësh. Yeldi mesatar i ponderuar rezultoi 3.98%, ndërsa yeldi mesatar i thjeshtë edhe më i ulët, në vlerën 3.93%. se sa e fortë është rënia e normave të këtij instrumenti, i cili shërben edhe si referencë, mjafton të kujtojmë që në nëntor norma e tyre ishte 5.8%.

Ndërkohë që shumë më e fortë ka qenë rënia e normave të interesit të bonove 6 mujore, ankandi i të cilave u zhvillua po në 28 shkurt. Në ankandin e 31 janarit ato u shitën me normën e interesit të ponderuar 4.37%, por duke rënë me mbi 1 pikë përqindje në ankandin e kësaj jave, kur u shitën me 3.26%.

Lorenc Rabeta/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.