“Rrugë të Bardha”, projekti i ri për rrugët e zonave rurale të vendit. FSHZH dhe bashkitë do të krijojnë sipërmarrje të përbashkëta
“Rrugë të Bardha”. Kështu është emërtuar projekti i Fondit Shqiptar të Zhvillimit që parashikon krijimin e një mekanizmi të ri, që do të mundësojë përmirësimin e aksesit në zonat rurale të vendit. Ky zhvillim u njoftua nga zëvëndëskryeministrja dhe ministrja e Infrastrukturës, Belinda Balluku në një dalje për mediat, sëbashku me kreun e Fondit Shqiptar të Zhvillimit Dritan Agolli.
Në thelb, projekti parashikon krijimin e sipërmarrjeve të përbashkëta mes Fondit Shqiptar të Zhvillimit dhe bashkive, për ndërtimin e rrugëve në zonat e thella të vendit.
Në total, projekti “Rrugë të Bardha” parashikon rehabilitimin e 5 mijë kilometrave rrugë, të cilat pas investimit pritet që të ndikojnë në komponentët ekonomikë të zonës.
Projekti po zhvillohet në bashkëpunim edhe me Bankën Botërore dhe përmban 4 komponentë; inventarizimin e rrugëve, ndërhyrjen në struktura që rrugët të kenë qendrueshmëri, mbështetja e bashkive dhe mbëhstetja me material ndërtimi pëtr njësitë e pushtetit vendor që të bëjnë investimin e kërkuar.
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.