Rumania importon gaz nga Turqia – Furnizimi do të nisë në datë 1 tetor

Kompania turke e naftës dhe gazit Botas ka nënshkruar një marrëveshje me kompaninë rumune të naftës OMV Petrom për furnizimin e tubacionit të gazit natyror deri në fund të marsit 2025. Pompimi i gazit do të nisë të dielën më 1 tetor.

Rumania do të jetë në gjendje të marrë deri në 4 milionë metër kub gaz në ditë. Marrëveshja 18-mujore përfundon më 31 mars 2025.

Krahas furnizimit me lëndë djegëse, të dyja palët ranë dakord të zhvillojnë bashkëpunim në fushën e shpërndarjes, ruajtjes dhe prodhimit të burimeve të energjisë dhe shfrytëzimit të energjisë së gjelbër.

Në një deklaratë, kompania turke vë në dukje se synon të jetë ndër 10 eksportuesit kryesorë të Turqisë në tre vitet e ardhshme dhe se vazhdon të ecë përpara me hapa të qëndrueshëm drejt objektivave të vendosura në përputhje me vizionin e Shekullit të Turqisë.

Botas tha gjithashtu se do të vazhdojë negociatat me vendet e tjera të interesuara për marrjen e gazit natyror nga Turqia. Më parë, kompania kishte nënshkruar kontrata për eksportin e gazit me Hungarinë dhe Bullgarinë.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.