Sa i “rëndojnë” sigurimet vjetore një fermeri? – Paguajnë deri 3.4 herë më pak se të siguruarit në qytet. Krekasi: Më të subvencionuarit nga shteti

Me ritme të lehta është rritur numri i të siguruarve në bujqësi në 2 vitet e fundit. Personi I vetëpunësuar në bujqësi që futet në skemën e detyruar të sigurimit shoqëror për t’u siguruar paguan 2.6 deri në 3.4 herë më pak sigurime vjetore  se një i siguruar në qytet.

Drejtoresha e kontributeve shoqërore, Edlira Krekasi tregon për Scan Tv vlerat dhe rëndësinë e kësaj kategorie në mënyrë që në të ardhme të përfitojnë nga masat e pensionit.

Por pavarësisht rëndësisë së derdhjes së kontributeve, masa e pensionit e një të vetëpunësuari në bujqësi në zonat fushore dhe malore është në një vlerë më të ulët se i një të punësuari në qytet i cili derdh më shumë kontribute. Pensioni i pleqërisë për këto kategori është 9,656 lekë, i invaliditetit 8,195,familjar 2,516 lekë ndërsa në zonat urbane është dyfish më shumë.

Në vitin 2021 janë mbledhur 2,089 milionë lekë nga sigurimet e të vetëpunësuarve në bujqësi. 58,091 persona gjithsej derdhën kontributet.

Marinela Lina/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.