Sfidat e tregut energjetik dhe ndërtimit – Mbi 50 kompani në panair / Siguria dhe qendrueshmëria e sektorit, vendimtare për ekonominë
Mbi 50 kompani shqiptare e të huaja u bënë pjesë e Panairit të Energjisë, Ndërtimit dhe Ekonomisë së Gjelbër, të zhvilluar në Pallatin e Kongreseve në Tiranë, që këtë vit u fokusua në çështje të rëndësishme si energjia e rinovueshme, eficienca e energjisë gjatë gjithë ciklit të energjisë në të gjithë sektorët, teknologjitë, efiçenca e ndërtimit dhe ndikimi në mjedis.
Disa nga kompanitë pjesëmarrëse prezantuan risitë e teknologjisë në drejtim të prodhimit të energjisë nga panelet fotovoltaike.
Ndërkaq, përveç zonës së ekspozimit, gjatë panairit u zhvillua edhe forumi dedikuar energjisë, teksa gjatë diskutimeve u theksua se e ardhmja, siguria dhe qëndrueshmëria e sektorit të energjisë dhe ndërtimit, janë vendimtare për ekonominë e Shqipërisë dhe rajonit.
Prandaj, ekziston një nevojë reale për të kultivuar bashkëpunimin ndërsektorial për teknologji, produkte, shërbime dhe zgjidhje të reja dhe inovative.
Ola Mitre / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.