Shtimi i burimeve të rinovueshme – BE synon të rrisë nxjerrjen e lëndëve të para

Komisioni Europian synon të rrisë prodhimin e lëndëve të para të nevojshme për energjinë e rinovueshme. Sipas Financial Times, planifikohet heqja e pengesave për nxjerrjen dhe prodhimin e materialeve si litiumi, kobalti dhe grafiti të domosdoshëm për parqet eolike, panelet diellore dhe automjetet elektrike.

Komisioni për tregtinë e brendshme në Bashkimin Europian konfirmoi se kërkesa po rritet ndjeshëm për shkak të tranzicionit dixhital dhe të gjelbër të shpqërisë, por shimë shpesh kjo varet pothuajse plotësisht nga importet, ndërsa gjeopolitika e zinxhirit të furnizimit është gjithnjë e më i paqëndrueshëm. Një plan i tillë do të kërkonte një debat të hapur për më shumë nxjerrje, përpunim, rafinim dhe riciklim në Europë.

Financial Times përmend rastin e rezervave të mëdha të litiumit në Portugali dhe minierën e Baroso në veri lindje të vendit, që do të duhej të kishte filluar prodhimin e litiumit për bateritë e automjeteve elektrike që në vitin 2020. Por në pritje të miratimit ambiental data vijon të shtyhet. Komisioni Europian po punon për një projektligj mbi lëndët e para me synimin për të sitimuluar prodhimin në BE.

Sipas Komisionit Europian, në vitin 2020, rreth 22% e prodhimit të energjisë së BE-së vinte nga burime të rinovueshme, me objektivin për të arritur deri në 32% deri në 2030-ën. Deri në vitin 2030 kërkesa e BE-sëpër nxjerrjen e mineraleve të rrallë për turbinat eolike do të pesëfishohet, ndërsa oferta globale pritet vetëm të dyfishohet. Kërkesa për litium pritet të jetë  60 herë më e lartë në krahasim me konsumet aktuale brenda vitit 2050, ndërsa ajo për kobalt dhe grafit 15 herë më e madhe.

Dorina Kurtaj / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.