Shtohen ATM-të, mbi 10 milionë veprime me para’ cash – Rezultojnë në total 912 në gjithë territorin, nga 800 që numëroheshin në tremujorin e parë

Pas një pakësimi në tremujorin e parë të vitit, numri i ATM-vë, apo bankomatët siç i njohim gjerësisht, ka shënuar rritje të ndjeshme gjatë tremujorit të dytë 2023. Në fund të gjashtëmujorit rezultojnë në total 912 ATM në gjithë territorin, nga 800 që numëroheshin në tremujorin e parë. Sipas Bankës së Shqipërisë, 877 prej tyre janë ATM me funksion tërheqje cash-i, 146 janë ATM me funksion urdhër transferta, dhe 361 janë ATM me funksion depozitim cash.

Në total, për gjashtë muajt e parë të vitit, përmes ATM-vë janë kryer mbi 17,476,000 veprime, me një mesatare prej rreth 2.9 milionë veprimesh në muaj. Më shumë se 10 milionë veprime janë tërheqje parash cash, ndërkohë që rreth 6.5 milionë janë blerje përmes kartave në terminalet POS. Në rritje të ndjeshme për vitin 2023 janë edhe depozitimet përmes ATM-ve. Në gjashtë muajt e parë të këtij viti janë kryer mbi depozitime përmes ATM-ve.

Ndërkohë që rritje edhe më të shpejtë kanë shënuar pikat e shitjes përmes kartave, të njohura si POS-e, të cilat nga 16,227 në vitin 2022, rezultojnë në 17,550 në mesin e 2023. Në rritje janë edhe terminalet e përdorimit të parasë elektronike, të cilët nga  3,537 në fund të vitit 2022, rezultojnë 3,738 në vitin 2023.

Lorenc Rabeta / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.