Shtohen përfituesit nga skema e kontributeve shoqërore – Të papunët nga pagesa e papunësisë dhe kujdestarët e personave paraplegjik e tetraplegjik

Në listën e qytetarëve të cilët përfitojnë nga skema e kontributeve shoqërore dhe shëndetësore janë përfshirë edhe 4 kategori të tjera që nuk kanë qenë më parë.

Personat e papunë të cilët përfitojnë nga pagesa e papunësisë do të kenë mundësi të regjistrohen në skemën e kontributeve. Këta persona të cilët më parë nuk kanë përfituar nga kjo skemë tashmë do të jenë pjesë.

Të tjerë qytetarët të cilët konsiderohen kujdestar pasi kujdesen për të afërmit  invalid paraplegjik dhe të tetraplegjikëve, që nuk kanë qenë të siguruar do të kenë mundësi të regjistrohen. Këta qytetarë kanë pasur mundësinë që deri më tani të përfitojnë vetëm nga pagesa e caktuar që shteti jep për për përkujdesjen për këtë kategori.

Sikurse edhe vetë qeveria ka lajmëruar pjesë e të siguruarve do jenë dhe nënat e papuna me  tre apo më shumë fëmijë të moshës deri në 18 vjeç, ku njëri  prej  fëmijëve  është  nën  moshën  5  vjeç  dhe familja  ka  të  ardhura  nën  100  mijë  lekë  në muaj.

Të vetëpunësuar e vetëm që përfitojnë pensionin e pleqërisë si dhe person  e trajtuar me pagesë kalimtare kryesisht punonjësit e policisë, forcave të armatosura, zjarrfikësit etj do të kenë mundësi të regjistrohen me sigurime shëndetësore dhe shoqërore.

Marinela Lina / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.