Si do funksionojë sigurimi i detyrueshëm nga tërmetet? – Mete: Qytetarët do të paguajnë prim bazik, ka përjashtime

Së shpejti, qytetarët shqiptarë do të jenë të detyruar ligjërisht të sigurojnë banesat e tyre ndaj tërmeteve. Ministri i Financave, Ervin Mete theksoi në konferencën mbi zhvillimet në sektorin e sigurimeve, se Shqipëria është një vend i rrezikuar nga fatkeqësitë natyrore, por ndërkohë ka një sensibilizim shumë të ulët për sigurimin e pronave, i cili është në nivelin 3 %.

Sipas tij, qeveria do të marrë në dorë “frenat” duke aplikuar skemën e detyrueshme, e cila do të përcaktojë një prim bazik, të përballueshëm për qytetarët.

Në konferencën e organizuar nga Autoriteti i Mbikëqyrjes Financiare mbi mundësitë dhe sfidat në Evropën Juglindore, përfaqësues të autoriteteve të menaxhimit të krizave dhe rriskut ndaj katastrofave natyrore në Bankën Botërore si dhe nga autoritetet turke dhanë shembujt se cilat janë skemat më të mira që mund të funksionojnë, duke i qëndruar idesë së një skeme shtetërore por që përfshin edhe bashkëpunimin me kompanitë private të sektorit të sigurimeve.

Elisabeta Dosku / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.