Si ky shtet aziatik po i kthen parkingjet shumëkatëshe në ferma bujqësore!

Eyleen Goh drejton një fermë nga kuverta e sipërme e një parkimi makinash në Singapor. Dhe ky nuk është një operacion i vogël – ajo furnizon shitësit me pakicë aty pranë me deri në 400 kg perime në ditë, thotë ajo.  “Singapori është mjaft i vogël, por ne kemi shumë parkingje makinash. Është pothuajse ëndrra të kemi ferma [këtu] për të përmbushur nevojat e banorëve në komunitet,” thotë ajo.

Të paktën një duzinë prej këtyre fermave në çati tani kanë mbirë në të gjithë qytetin e Azisë Juglindore. Qeveria filloi dhënien me qira të parcelave të pazakonta në vitin 2020 si pjesë e planeve të saj për të rritur prodhimin vendas të ushqimit. Vendi me 5.5 milionë banorë importon aktualisht më shumë se 90% të ushqimit të tij.

Por hapësira në këtë komb ishull me popullsi të dendur është e pakët dhe kjo do të thotë se toka nuk është e lirë. Singapori ka disa nga pronat më të shtrenjta në botë.  Një fermer tha se kostoja e lartë e parcelës së tij të parë të parkimit do të thoshte se ai duhej të hiqte dorë nga ajo dhe të shkonte në një vend më të lirë.

Eyleen Goh thotë se fillimi i fermës kushtoi rreth 1 milion dollarë (719,920 dollarë; 597,720 £), me shumë nga paratë që shpenzohen në pajisje për të ndihmuar në përshpejtimin e korrjes. Edhe pse ka marrë disa subvencione, ajo thotë se biznesi i saj nuk është ende fitimprurës. Ajo ka 10 punonjës dhe paguan një qira prej rreth 90,000 dollarë në vit për hapësirën dhe një vend tjetër parkimi, i cili është ende duke u ngritur.

Fermerët në tavanet e Singaporit po gjejnë gjithashtu mënyra të tjera për të fituar para. Nicholas Goh, thotë se ai ka arritur të sjellë një fitim duke u ngarkuar njerëzve një tarifë mujore për të korrur perime në fermën e tij urbane. Ai thotë se ideja është veçanërisht e popullarizuar me familjet që jetojnë aty pranë pasi “është një lloj qasjeje e komunitetit, sesa një qasje komerciale”.

Megjithatë, një fermer tjetër urban, Mark Lee, thotë se kostot e larta e kanë shtyrë atë të transferohet në një ndërtesë industriale që kërkon një qira “të papërfillshme”, domethënë qira më të ulët.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.