Sistemi arsimor shqiptar inkurajon mediokritetin – Ermal Hasimja: Problemet në arsim ushqehen sidomos nga kultura që ka shoqëria shqiptare

Politologu Ermal Hasimja, i ftuar në emisionin “Studio Intel” preku disa nga problemet kryesore të arsimit në Shqipëri. Ai u shpreh se në vendin tonë sistemi arsimor, ashtu si administrata publike, shpërblen mediokritetin duke dalë kundër parimit të meritokracisë.

Ndër të tjera Zoti Hasimja shtoi se problemet në arsim ushqehen nga kultura që ka shoqëria shqiptare dhe sidoms prindërit e rinj. Ata harrojnë që shkolla nuk është e shkëputur nga jeta reale.

Sipas tij, ka një mospërputhje mes ambicies së prindërve për fëmijet e tyre dhe gatishmërisë që kanë po këta prindër për t’i vënë fëmijët të punojnë.

Si zgjidhje të kësaj situate ai propozoi ndryshimin e mendësisë që kemi ne si shoqëri sa i përket çështjeve si arsimi apo profesioni në të ardhmen.

Xhorxhina Deda/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.