“SOS Mesdheu” fiton ‘Çmimin Nobel’ alternativ për shpëtimin e emigrantëve!

Organizata bamirëse besohet se ka shpëtuar 40,000 jetë që nga viti 2015. Një shoqatë bamirësie që i është përkushtuar shpëtimit të atyre që janë në rrezik në det që nga viti 2015, ka fituar çmimin Right Livelihood Award për vitin 2023, i quajtur një çmim alternativ Nobel.

SOS Méditerranée ka shpëtuar jetën e 40,000 emigrantëve që tentonin të kalonin të rrezikshëm nga Afrika e Veriut në Europën Jugore që kur u themelua nga Sophie Beau dhe Klaus Vogel.

Organizata bamirëse, e cila ka zyra në Gjenevë, Marsejë, Berlin dhe Milano, kryen operacione kërkimi dhe shpëtimi nga anija e saj Ocean Viking.

Çmimet Right Livelihood jepen në Stokholm, zakonisht një javë përpara ndarjes së çmimeve zyrtare Nobel.

Këtë vit u paraqitën 170 kandidatë nga 68 vende. Midis përfituesve të këtij viti ishin Eunice Brookman-Amissah, një mjeke ganeze; Nëna Natyrë Kamboxhia, një organizatë e shquar e të drejtave mjedisore të udhëhequra nga të rinjtë në Kamboxhia; dhe Phyllis Omido, një aktiviste mjedisore nga Kenia.

Ole von Uexkull, Drejtor Ekzekutiv i Right Livelihood, tha: “Right Livelihood ekziston për të ushqyer guximin njerëzor. Ne nderojmë disa nga krijuesit kryesorë të ndryshimeve në botë që guxojnë të ndërtojnë një botë të bazuar në parimet e paqes, drejtësisë dhe qëndrueshmërisë dhe inkurajojmë të gjithë të kuptojnë rolet e tyre të rëndësishme në krijimin e shoqërive më të mira.”

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.