Të gjithë me llogari bankare, Sejko: Shteti do mbulojë kostot – Ibrahimaj: Sa më pak Cash në ekonomi, çdo shërbim i e-Albania do paguhet me bankë

Që prej muajit maj, Banka e Shqipërisë, Ministria e Financave dhe Ekonomisë, AKSH-i dhe sistemi bankar po bashkëpunojnë ngushtë, me qëllim krijimin e të gjitha alternativave të mundshme për kryerjen e pagesave në distancë, nëpërmjet mjeteve elektronike.

Zhvillim që, sipas Guvernatorit të Bankës së Shqipërisë Gent Sejko, do të bëjë të mundur pagesat e vogla në rrugë bankare si dhe përfshirjen në system të ccdo shtrese të shoqërisë, duke nisur nga pensionistët, sdudentët, familjet në nevojë.

Ndërkohë që do të jetë shteti ai që do zbusë kostot për çeljet e llogarive bankare. Sejko përmendi si histori suksesi sistemin e pagesave në euro, përmes të cilit u kryen 120 mijë pagesa, gjë që u kurseu shqiptarëve rreth 10 milionë euro.

Ministrja e Financave Delina Ibrahimaj tha se po punohet për sa me pak cash ne ekonomi, si dhe që çdo shërbim i ealbania të paguhet përmes sistemit bankar.

Deklaratat e Guvernatorit dhe Ministres së Financave u bënë gjatë mbledhjes së 8-të të Komitetit Kombëtar të Sistemit të Pagesave.

Lorenc Rabeta / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.