Tender 9.7 milionë lekë për të monitoruar ambulancat me GPS – Nga mbulimi i hartës së Shqipërisë, te sistemet e alarmit, çfarë parashikohet?

Ambulancat do të monitorohen përmes një sistemi GPS. Në ambientet e Qendrës Kombëtare të Urgjencës Mjekësore do të insatalohet salla operative ku do të kryehet monitorimi në kohë reale të ambulancave.

“Në Agjencinë e Prokurimeve Punlike është publikuar tenderi për monitorimin e ambulancave përmes shërbimit të GPS, por çfarë parashikojnë kriteret dhe se cili është fondi limit?”

Referuar Dokumenteve Standarde të Tenderit, fondi limit është 9.7 milionë lekë pa TVSH ndërsa çmimi për njësi për një GPS në muaj është 2.120 lekë.

Në çdo qendër spitalore, kompania që do të fitojë tenderin do të krijojë mundësinë e monitorimit të ambulancave që i përkasin çdo drejtorie.

Sipas kritereve softëare i GPS, duhet të këtë një mbulim të saktë të hartës së Shqipërisë, emërtim të saktë të rrugëve, informacion mbi historikun e lëvizjes, raporte të detajuara mbi çdo aktivitet.

Raporte apo çdo informacion tjetër i nevojshëm do të jetë i aksesushëm në kohë reale përvec se nga Qëndra Kombëtare e Urgjencës Mjekësore dhe nga çdo Autoritet Kontraktor.

Sipas të njëjta të dhënave, për operatorët të cilët do të aplikojnë në garë për këtë tender, përvoja e mëparshme është një element i domosdoshëm që garanton autoritetin kontraktor se operatorët ekonomikë mbi bazën e vlerës së kontratave të ngjashme zotërojnë kapacitete për të zbatuar kontratën me sukses sipas një standarti të përshtatshëm cilësie. Ndërsa vendi kryerjes së shërbimeve do të jetë në autoambulancat e Qëndrës Kombëtare të Urgjencës Mjekësore, spitaleve Universitare/ Rajonale/ Bashkiake/ Obstetrike-Gjinekologjike, Psikiatrike, Qendrat Shëndetësore, Institucionet e tjera sipas rastit dhe nevojave.

Diamila Leka/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.