Trafiku i rënduar në rrugën dytësore Tiranë-Durrës, eksperti: Duhet një plan kompleks masash nga Bashkia dhe ARRSH

Një nga akset më të përdorura nga biznesi dhe qytetarët në kryeqytet rruga dytësore Tiranë-Durrës, po përballet në orare të caktuara me trafik të rënduar. Shtimi i lëvizjeve në periudhën festive nuk është shoqëruar me një plan masash nga Bashkia e as nga Autoriteti Rrugor Shqiptar.

Fundi i vitit karakterizohet nga një lëvizje e shtuar e qytetarëve dhe bizneseve, ndaj në këtë kontekst, eksperti i sigurisë rrugore Gëzim Hoxha thotë se i gjithë kryeqyteti ka nevojë për një plan kompleks ndërhyrjesh, me qëllim eleminimin e përhershëm të problematikës.

Veç mungesës së planit të masave për të menaxhuar trafikun, rruga dytësore Tiranë-Durrës ku është përqendrur aktiviteti industrial  është lënë terësisht jashtë vëmendjes dhe ka nevojë emergjente për investime.

Biznesi ka apeluar vazhdimisht për të investuar në këtë aks rrugor që po u shkakton humbje të vazhdueshme dhe vështirësi në kryerjen e detyrave.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.