Tre shkaktarët që rritën çmimin e vezëve në 2023 – Ekspertja Sena: Kostot mesatare të një pule, 5 euro. Qeveria të ndihmojë këtë sektor

Çmimi i vezëve në vendin tonë është rritur për shkak të tre faktorëve që kanë ndikuar drejtëpërsëdrejti në këtë sektor.

Pedadogia e Zooteknikës pranë Universitetit Bujqësor të Tiranës, Lumturie Sena rendit gripin e shpendëve si një ndër shkaqet kryesore nga i cili Shqipëria është tepër e rrezikuar.

Kostot mesatare për rritjen e një pule kanë arritur deri në 5 euro sipas ekspertes Sena.

Një ndihmë nga qeveria për këtë sektor e cila do të stabilizonte dhe tregun e vezëve është një masë e nevojshme sipas ekspertes së zooteknikës, Lumturije Sena e cila duhet marrë sa më parë. Shqipëria u rendit e 11-ta në Europë për rritjen e çmimit të vezëve duke arritur shifrën 39% më shumë, mbi mesataren europiane.

Marinela Lina / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.