Çfarë i penalizon gratë në biznes? – Pjesëmarrje e ulët, rritet mbështetja me financime dhe njohuri
Pjesëmarrja e gjinisë femërore në biznes vijon të jetë në nivele të ulëta, ku vetëm 27 për qind e grave në të gjithë rajonin dhe 31 për qind në Shqipëri, drejtojnë një sipërmarrje. Kjo vjen për një sërë arsyesh që nga mungesa e aksesit në financë, në njohuri apo përshtatja me një klimë të pafavorshme.
Megjithatë duket se vitit 2023 do të rrisë vëmendjen ndaj mbështetjes së iniciativave të grave në këtë drejtim.
Grave do t’u jepet më shumë fokus edhe përmes granteve për start-up, ku në pikëzim gjinia femërore favorizohet.
Fuqizimi ekonomik i gruas është edhe në fokus të Bankës Evropiane për Rindërtim dhe Zhvillim.
Aktiviteti i organizuar nga Bashkimi i Dhomave të Tregtisë dhe Industrisë, në kuadër të programit për gratë në biznes financuar nga qeveria suedeze dhe BERZH, bëri bashkë dhjetëra gra sipërmarrëse në fusha të ndryshme ekonomisë dhe vendosi në qendër të diskutimit sfidat dhe mundësitë në tregjet rajonale për bizneset e drejtuara nga gjinia femërore të orientuara drejt inovacionit dhe konkurrueshmërisë.
Elisabeta Dosku/ SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.