Tregtia Shqipëri-Kosovë shënon rënie – INSTAT: Më pak energji elektrike, minerale dhe ushqime drejt Kosovës në shtator

Në një kohë kur lufta e Rusisë në Ukrainë vijon dhe çmimet mbeten ende të larta, shkëmbimet tregtare Shqipëri-Kosovë për 9 mujorin e parë të vitit shënojnë ulje. Sipas të dhënave nga Instituti i Statistikave tregohet se në harkun e muajve janar-shtator sasia e mallrave shqiptarë të shitura në Kosovë ra në 510 mijë tonë nga 860 mijë tonë në po të njëjtën periudhë të një viti më parë.

Duke u ndalur në muajin Shtator 2022,  eksportet me Kosvën ranë ndjeshëm në 24.8%. Nga 3.7 miliardë eksporte në shtator 2021, vlera ra në 2.8 miliardë eksporte në 2022.

Ndërsa vendet me të cilët Shqipëria ka pasur rritje më të madhe të eksporteve, në krahasim me Shtator 2021 janë: Itali (16,8 %), Gjermani (110,5 %) dhe Maqedoni (30,5 %).

Mineralet, lëndët djegëse, energjia elektrike, materialet e ndërtimit dhe ushqimet janë edhe grupmallrat që kanë njohur tkurrjen më të madhe në eksportet drejt Kosovës.

Tkurrje ka pasur edhe tek importet. Sipas të dhënave nga INSTAT, vlera e mallrave të blerë nga Kosova në 9 muaj ra në 136 mijë tonë, 21 mijë tonë më pak se një vit më parë.

Edhe në këtë aspect importet nga Kosova renditen ndër më të ultat në 21.6%.

Muaji shtator shënon rënie edhe tek importet nga Kosova ku në 2021 janë regjistruar 1.6 miliardë eksporte ndërsa në 2022 1.3 miliardë. Vendet me të cilët Shqipëria ka pasur rritje më të madhe të importeve në këtë muaj, në krahasim me Shtator 2021 janë: Italia (7,5 %), Turqia (102,4 %) dhe Greqia (32,4 %).

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.