Turizmi i gjumit, tendenca kryesore e 2024 – Merrni pasaportën, syzet e diellit dhe…jastëkun!

Çfarë ju bind të shkoni me pushime? A është një shans për të zbuluar vende të reja? Mendimi i disa javëve të kaluara duke u ngrohur në diell? Apo jeni pjesë e trendit në rritje të njerëzve që lënë pas shtëpinë dhe udhëtojnë me synimin për të fjetur një gjumë të mirë.

‘Hilton Trend Report’, një sondazh me mbi 10.000 udhëtarë nga nëntë vende, ka zbuluar se arsyeja kryesore që njerëzit duan të udhëtojnë në 2024-ën është për të ‘pushuar dhe rikarikuar’. Turizmi i gjumit – ose mundësia për një natë të mirë – po motivon zgjedhjet e pushimeve të njerëzve.

Ndërsa premtimi për një hotel luksoz në fund të udhëtimit tuaj mund të jetë i mjaftueshëm për t’ju bërë të flini të qetë, raporti i Hilton zbuloi se udhëtarët po marrin relaksimin në duart e tyre.

Për shkak se edhe hotelet më të mira nuk mund t’u premtojnë fqinjë të qetë, 33 % e të anketuarve dëgjuan muzikë ose një podcast për t’i zënë gjumi gjatë pushimeve, ndërsa 22% përdorën kufje.

Kohët kur zgjedhja e një hoteli bazuar tek pishina, restoranti dhe afërsia me vendet kulturore lokale kanë ikur. Në ditët e sotme, gjithçka ka të bëjë me shtratin. Mirë, jo plotësisht, por 27% e të anketuarve thanë se qëndrimi në një dhomë të rehatshme për gjume ishte e rëndësishme nëse ata po udhëtonin për t’u çlodhur.

Përtej dyshekut, 18 % pranuan se kishin marrë me vete jastëkun e tyre më të mirë kur udhëtonin.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.