Turqia “pushton” Malin e Zi – Pjesa më e madhe e bizneseve të huaja me pronarë turq dhe rusë
Turqit vërshojnë në Malin e Zi. Vitin e kaluar, në Mal të Zi kishte 18.400 kompani me pronësi të huaj, që është 25.4 % më shumë se në vitin 2021, sipas të dhënave të Monstat.
Subjektet më aktive në pronësi të huaj, sipas vendit të origjinës së pronarit, janë nga Turqia, pesë mijë ose 27.2%, Rusia 4.380 ose 23.8 %, Serbia 2.140 ose 11.6 % dhe Ukraina 874 ose 4.7 %.
Shumica e kompanive me pronësi të huaj ishin në Budva vitin e kaluar, 5770 prej tyre, që është 31.3 % e numrit të përgjithshëm. Pastaj vijnë Podgorica dhe Tivari.
Sipas të dhënave zyrtare, kompanitë me pronësi të huaj më së shumti ishin në aktivitetet e tregtisë me shumicë dhe pakicë, riparimi i mjeteve motorike dhe motoçikletave 3.970, pasuar nga aktivitetet profesionale, shkencore dhe teknike si dhe ndërtimi.
Duke parë subjektet aktive sipas komunës dhe vendit të origjinës së pronarit, subjektet afariste më aktive në Budva dhe Podgoricë janë me pronësi të huaj nga Turqia, dhe në Bar, Herceg Novi dhe Tivat nga Rusia.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.