Twitter nuk ekziston më! – Musk: “Nga 8 mijë punonjës, aktualisht kanë mbetur vetëm 1500”

Me objektivin për të transformuar rrjetin social në një media të ndershme dhe transparente, Elon Musk konfirmoi se aktualisht Twitter ka vetëm 1500 të punësuar nga 8 mijë që ishin ditën kur ai e mori në pronësi. Por analistë dhe ekspertë të sektorit komentojnë se tashmë Tëitter nuk ekziston më

 Që nga momenti kur Twitter u ble nga Elon Musk, në fund të tetorit 2022, janë pushuar nga puna rreth 6500 persona. Lajmi është konfirmuar nga vetë pronari i Tesla për BBC. Ai theksoi se fillimisht ishin 8 mijë të punësuarit ndërsa aktualisht numërohen 1500 të tillë. Pyetjes nëse e kishte pasur të vështirë të pushonte nga puna kaq shumë njerëz, Musk shpjegoi se një gjë e tillë nuk është fare zbavitëse, madje në disa raste mund të jetë e dhimbshme.

Musk këmbëngul se objektivi i tij është që të transformojë Twitter-in në një media transparente dhe të ndershme, duke theksuar se për këtë të fundit ka ende shumë punë për të bërë. Musk në fund foli dhe për problemet e likuiditetit të Twitter në momentin që e bleu. Ai shpjegoi se ishte një situatë negative prej 3 miliard dollarësh minus që i linin Tëitter vetëm 4 muaj jetë.

Gjatë intervistës Musk mbrojti mënyrën me të cilën po drejton kompaninë. I pyetur nëse ishte penduar për blerjen e Twitter, njeriu i dytë më i pasur në botë tha se “niveli i dhimbjes kishte qenë jashtëzakonisht i lartë “. Dhe pse pranoi se ishte një situatë mjaft stresuese gjatë muajve të fundit, ai ende mendonte se blerja e kompanisë ishte gjëja e duhur për të bërë. Gjërat po shkojnë “arsyeshëm mirë”, tha ai, duke deklaruar se përdorimi i faqes është rritur dhe “faqja funksionon”. Musk u shpreh se i ka premtuar vetes që të mos postojë asgjë pas orës 3 të mëngjesit, pasi nuk konsiderohet i kthjellët mjaftueshëm.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.