Vendet europiane rrisin kufirin e shpejtësisë në autostradë – Italia dhe Çekia lejojnë deri në 150 km në orë

Dy vende europiane po shqyrtojnë rritjen e shpejtësisë maksimale të lejuar në autostrada dhe rrugët lidhëse.

Çekia dhe Italia në fakt propozojnë rritjen e shpejtësisë maksimale të lejuar deri në 150 km/h. Më afër këtij hapi është Republika Çeke, ku masa u miratua qershorin e kaluar me mbështetjen e shumicës së parlamentit: 163 nga 169 deputetë pro, por duhet të presë edhe miratimin në senat.

Nëse miratohet përfundimisht, ndryshimi do të bëhej realitet në janar 2024 dhe do të zbatohej deri në vitin 2026, kur dhe do të vlerësohej se deri në çfarë mase aksidentet e trafikut lidhen me shpejtësinë më të madhe.

Në Itali, propozimi mbërriti këtë pranverë, me argumentin se kufizimet aktuale janë anakronike me fuqinë aktuale të automjeteve dhe motorëve. Njësoj si në Republikën Çeke, nuk do të ishte një kufizim i përgjithshëm, por do t’i referohej seksioneve ose autostradave specifike. Për momentin nuk ka vendime konkrete, por kjo masë është duke u shqyrtuar.

Në 14 shtete të Kontinentit të Vjetër kufiri është 130 km/h dhe në Mesdhe është në fuqi në shumicën e vendeve: Francë, Itali, Greqi etj. Ndërkohë, Spanja dhe Portugalia i qëndrojnë kufirit prej 120 km/h, ndërsa vendet me kufirin më të lartë janë Polonia dhe Bullgaria: 140 km/h.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.