SHBA tërheq miliona airbag nga tregu – Po në Europë?

Autoritetet amerikane mund të tërheqin 52 milionë inflatorë airbagë-sh pas aksidenteve vdekjeprurëse. Jastëkët e ajrit po përdoren në miliona automjete nga 11 prodhues të ndryshëm. A mund ta ndjekë Europa shembullin?

Zyrtarët nga Administrata Kombëtare e Sigurisë në Trafikun e Autostradave të SHBA (NHTSA) mbajtën një seancë dëgjimore publike të enjten për të sugjeruar që qeveria të tërheqë 52 milionë inflatorë të airbagëve, të prodhuar nga ARC Automotive dhe Delphi Automotive Systems.

Dëgjimi publik NHTSA, i përdorur rrallë, mund të shkaktojë një nga tërheqjet më të mëdha në historinë e SHBA-së. Ky është hapi i fundit në hetimin 8-vjeçar të NHTSA pasi prodhuesit e inflatorëve me defekt fillimisht refuzuan të bëjnë një tërheqje.

NHTSA pretendon se airbag-ët e dëmtuar kanë qenë përgjegjës për të paktën shtatë lëndime dhe dy vdekje në SHBA dhe Kanada që nga viti 2009. Sipas hetimeve të tyre, fryrësit e airbagëve në fjalë mund të çahen dhe të fluturojnë fragmente metalike.

ARC, e blerë në vitin 2016 nga zhvilluesi kinez i pasurive të paluajtshme Yinyi Group, këmbëngul se tërheqja nuk është e nevojshme dhe se inflatorët e këputur ishin “incidente të izoluara”. Delphi Automotive prodhoi afërsisht 11 milionë inflatorë deri në vitin 2004 sipas një marrëveshjeje licencimi me ARC, e cila prodhoi 41 milionë inflatorët e mbetur.

Reuters raporton se inflatorët në fjalë janë përdorur në automjete nga viti 2000 deri në fillim të vitit 2018 të prodhuara nga prodhuesit e automjeteve, duke përfshirë General Motors, Ford Motor, Stellantis, Tesla, Toyota Motor, Hyundai, Kia, Mercedes-Benz, BMW dhe Volkswagen.

Prodhuesi gjerman i makinave Mercedez Benz, tha se kishte marrë një letër nga NHTSA të datës 5 shtator, ku thuhej se agjencia kishte marrë një “vendim fillestar që disa inflatorë të airbagëve frontalë të prodhuar nga ARC Automotive dhe Delphi Automotive Systems përmbajnë një defekt që lidhet me sigurinë”.

Mercedes-Benz tha se po shqyrton vendimin fillestar të NHTSA. “Bazuar në informacionin e kufizuar aktualisht në dispozicion, lloji i inflatorit ARC … [në fjalë] u vendos ekskluzivisht në disa automjete inteligjente,” shtoi ai.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.