VKM për Operatorin e Blerjeve të Përqëndruara- Brahaj paralajmëron ankimimin në Gjykatën Kushtetuese nëse nuk shfuqizohet
“Vendimi i qeverisë për krijimin e Operatorit të Blerjeve të Përqëndruara, si një shoqëri aksionere është i paligjshëm”. Aranita Brahaj nga Instituti Shqiptar i Shkencës thotë se legjislacioni në fuqi, ndalon autoritetet prokuruese të kryejnë akivitet ekonomik e tregtar, sikurse parashikohet në vendimin e ri të Këshillit të Ministrave.
Brahaj i bën thirrje qeverisë të tërheqë vendimin, ndërsa Agjencisë së Prokurimit Publik të mos e regjistrojë në sistem si ent prokurues.
Në rast të mos tërheqjes, kjo organizatë deklaron se do të ndërmarrë hapa për shpalljen e pavlefshëm, përmes një Padie për Kontroll Ligjshmërie.
Sipas vendimit, të sapo publikuar në Fletoren Zyrtare Operatori i Blerjeve të Përqëndruara është një shoqëri aksionere, me kapital 100% shtetëror, për ofrimin e shërbimeve të prokurimeve për autoritetet kontraktore, për procedura të veçanta, në varësi të Ministrisë së Ekonomisë.
Deri më tani, këto funksione kryheshin nga Agjencia Shtetërore e Prokurimeve të Përqendruaraa, si person juridik publik buxhetor, në varësi të ministrit të Brendshëm.
Ola Mitre / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.