‘Frenim’ i shitjeve?! Tregu i pasurive të paluajtshme pret amnistinë…
Lidion Kulla/Scan
Tregu i Pasurive të Paluajtshme është në pritje të amnistisë. Vonesat në diskutimin dhe më pas miratimin e nismës për rivlerësimin e pasurive të paluajtshme, po ndikojnë në ngadalësimin e këtij tregu, pasi kanë rënë ndjeshëm transaksionet. I ftuar në studion e TV Scan, Reinaldo Pipiria, Drejtor Ekzekutiv i Shoqatës Kombëtare të Ndërmjetësuesve të Pasurive të Paluajtshme (NAREA), deklaroi se këto vonesa kanë sjellë një bllokim momental të tregut.
Gjithashtu, sipas Pipirias ekziston një vullnet politik për të rishikuar tatimin prej 15% për fitimin e realizuar në shitjen e pasurive të paluajtshme, e cila mund të fillojë të aplikohet mbase pas përfundimit të afatit të rivlerësimit.
Sipas vrojtimit të Bankës së Shqipërisë, shitja e pasurive të paluajtshme është ngadalësuar, gjatë gjysmës së parë të këtij viti, ndërsa çmimet kanë vijuar tendencën në rritje.
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.