Zbardhet formula zyrtare e rritjes së pagave për administratën publike. Veç shtesës bazë, 0.6 dhe 0.8 % rritje për çdo vit pune në shtet apo për vështirësitë

Pas disa muajsh pune intensive janë publikuar në Fletoren Zyrtare shtesat e pagave që do të bëhen për administratën publike.

Veç shtesave fikse që do të jepen mbi bazën e pozicionit të punës, vendimi parashikon edhe një shtesë të dytë, të bazuar te vjetërsia në punë. Duket se ka qenë pikërisht kjo pikë që ka vonuar aplikimin e vendimit për faktin se çdo institucion duhej të bënte të detajuar përllogaritjen për secilin punonjës të tij. Referuar vendimit, veç shtesës fikse të pagës, shtesa për vjetërsi në punë jepet në masën:

-0.6% pas çdo viti pune për 10 vitet e para (1– 10 vite) dhe llogaritet mbi pagën e pozicionit;

-0.8% pas çdo viti pune për 10 vitet e dyta (11–20 vite) dhe llogaritet mbi pagën e pozicionit;

-1% pas çdo viti pune për 10 vitet e treta (21– 30 vite) dhe llogaritet mbi pagën e pozicionit

Po ashtu, formula e rritjes së pagës parashikon edhe shtesë për kushte pune (natyrë të veçantë pune dhe shtesa për kushte të vështira e të dëmshme për shëndetin, raporton SCAN.

 

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.