Powell rrëzon bursat europiane – Sinjalizon një rrugë të gjatë për të sjellë inflacionin në objektiv
Tregjet europiane po qëndrojnë në rënie edhe në sesionin e sotëm, pasi shefi i Rezervës Federale, Jerome Powell sinjalizoi të tjera rritje të interesave në vijim. Ai tha se procesi i kthimit të inflacionit në objektivin prej 2% do të dojë edhe shumë kohë.
Indeksi pan-Europian Stoxx 600 e ka nisur ditën në rënie të ndjeshme, me 1.2%, ndërsa të gjithë sektorët janë në ngjyrë të kuqe. Sektori i automjeteve dhe ai bankar kryesojnë humbjet, në rënie me rreth 2%. Gjithashtu, investitorët po presin edhe takimin e Bankës së Anglisë, që përfundon ditën e sotme. Analistët parashikojnë gjerësisht se norma bazë e interesit do të rritet me të paktën 25 pikë përqindje, por nuk përjashtohet edhe mundësia për një rritje me 50 pikë.
Të dhënat e publikuara të mërkurën treguan se inflacioni në Mbretërinë e Bashkuar u rrit me 8.7% muajin e kaluar, në të njëjtin nivel me prillin. Investitorët po presin edhe të dhënat mbi besimin konsumator në Bashkimin Europian për qershorin.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.