Zbulohet tjetër depozitë e madhe litiumi në SHBA – Rajoni mund të prodhojë deri në 3.4 milionë ton

Departamenti Amerikan i Energjisë konfirmoi zbulimin e një depozitë të madhe litiumi në liqenin ‘Salton Sea’. Liqeni ndodhet në Kaliforni, sipërfaqja e tij është rreth 820 kilometra katrorë dhe Laboratori Kombëtar ‘Lawrence Berkeley’ parashikon se ky rajon mund të prodhojë 3.4 milionë tonë litium, i cili vlerësohet të jetë i mjaftueshëm për më shumë se 375 milionë bateri të nevojshme për automjetet elektrike.

Raporti thotë se kjo e bën industrinë vendase të litiumit edhe më të sigurtë. SHBA importon kryesisht litium, megjithëse ka pasur depozita litiumi në Nevada, Karolinë e Veriut, Oregon, por ky zbulim është shumë domethënës.

Energjia elektrike gjeotermale në rajonin e Detit Salton të Shteteve të Bashkuara luan një rol kyç në nxjerrjen e litiumit. Kjo zonë aktualisht ka rreth 400 megavat kapacitet të instaluar për prodhimin e energjisë elektrike gjeotermale, por vlerësohet se ka potencial për shtatëfishin e megavatëve.

Në procesin e prodhimit të energjisë gjeotermale, uji nxirret nga burimet e nxehta nëntokësore, ku nxehet vetë. Gjatë këtij procesi, uji gjeotermal që del në sipërfaqe shpesh përmban përqendrime të larta të mineraleve, duke përfshirë litiumin dhe zinkun. Këto minerale mund të nxirren nga uji, duke e bërë energjinë gjeotermale jo vetëm një burim të energjisë elektrike, por edhe një burim potencial të burimeve të rëndësishme minerale.

Në rastin e ‘Salton Sea’, shëllira gjeotermale nga kjo zonë është veçanërisht e pasur me litium. Me rritjen e kapacitetit të prodhimit të energjisë gjeotermale, rritet edhe sasia e ujit gjeotermik që pompohet, dhe kështu potenciali për nxjerrjen e sasive më të mëdha të litiumit, gjë që i vë Shtetet e Bashkuara në një pozicion për të përmbushur apo edhe tejkaluar kërkesën globale për litium në dekadat e ardhshme.

Dorina Kurtaj / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.