814 ankesa për tenderët në 11 muajt e vitit 2023 – Mbizotërojnë procedurat e prokurimit publik. Tirana, me më shumë ankesa

814 ankesa ka regjistruar Komisioni i Prokurimeve Publike në 11 muajt e vitit që lamë pas. Referuar të dhënave zyrtare, muajt korrik dhe nëntor kanë rezultuar me ankesat më të larta me nga 107 përkatësisht.

Por cili është seksioni i ankesave?

Ankesat e regjistruara për procedura të prokurimit publik kanë arritur në 732.

Ndërsa përsa i përket ankesave sipas fazës së procesit për të cilën është paraqitur ankimi, rezulton se në 11 muajt e 2023 gjithsej janë ankuar 356 për Dokumentet Standarde të Tenderit ndërsa 429 janë ankuar për Vlerësim ofertash.

Nga janari deri në nëntor ankesat sipas llojit të kontratës janë regjistruar 66 të tilla për punë publike, 518 për mall, si dhe për shërbime janë adresuar 227 ankesa.

Për t’u ndalur në ankesat sipas qarqeve, qarku i Tiranës kryeson për numrin më të lartë të ankesave duke arritur në 530 në total për 11 muaj, e vijuar me qarqet e Shkodrës dhe Vlorës me përkatësisht 48 dhe 40 ankesa. Qarku I Elbasanit, Durrësit dhe Fierit kanë përkatësisht 39, 38 dhe 37 ankesa, ndërsa ai I Korccës 26 të tilla.

5 qarqet e fundit që kanë më pak ankesa janë, qarku I Dibrës me 14, I Gjirkoastrës me 12, Lezhës dhe Kukësit me 11 dhe 10 ankesa përkatësisht. Qarku I Beratit rezulton të jetë qarku me ankesat më të pakta përsa I përket prokurimeve publike nga ku janë shënuar vetëm 9 të tilla.

Diamila Leka/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.