Yuan, e treta më e fortë në botë – Monedha kineze renditet pas dollarit amerikan dhe euros

Vendimi i Fondit Monetar Ndërkombëtar për të rritur ‘peshën’ e juanit kinez në në shportën e monedhave së të drejtave speciale të tërheqjes ka hyrë në fuqi.

Në mënyrë të veçantë, pesha u rrit me 1.36 pikë përqindjeje në 12.28 për qind, sipas rishikimit të parë pesëvjeçar të vlerësimit të SDR-së, të Bordit Ekzekutiv të FMN-së që kur juani kinez u përfshi në shportën e monedhës në 2016-ën.

Në rishikimin e saj, FMN gjithashtu ngriti peshën e dollarit amerikan në më shumë se 43 %, ndërsa ajo e euros u ul nën 30 % dhe ato të jenit japonez dhe paundit britanik ranë gjithashtu.

Aktualisht, juani kinez renditet i treti për sa i përket peshës në shportën SDR pas dollarit amerikan dhe euros.

Parimet e rishikimit të SDR-së përcaktojnë se peshat relative të monedhave të përfshira në shportë duhet të pasqyrojnë rëndësinë e tyre në sistemin tregtar dhe financiar të botës.

Shporta e re e monedhave do të kalojë në rishikimin e vlerësimit në vitin 2027.

SDR, i krijuar në vitin 1969, është një aktiv rezervë ndërkombëtar që plotëson rezervat zyrtare të anëtarëve, të cilat mund të shkëmbehen midis qeverive për monedha të përdorshme lirisht në kohë nevoje.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.