Kriptovalutat, pak të njohura e të paqëndrushme për shqiptarët – Sondazhi: 45% e tyre e shohin si një mundësi për t’u pasuruar, pak informacion profesional

Janë prezantuar këtë të hënë në ambientet e Fakultetit Ekonomikë së Tiranës gjetjet e sondazhit me temë “PËRDORIMI I PARASË VIRTUALE, A JEMI GATI!?” të zhvilluar nga Qendra studentore ABC Tiranas Club në bashkëpunim me mbështetjen e programit B4Students. Sondazhi i zhvilluar mbi një kampion prej 300 pjesëmarrësish zbardh se qytetarët shqiptarë kanë pak informacion mbi kriptovalutat, i marrë kryesisht nga rrejtet sociale dhe portalet informuese.

Pjesëmarrësit u pyetën mbi perceptimet dhe vlerësimet e tyre mbi kriptomonedhat, për gatishmërinë dhe hezitimin e qytetarëve për t’u përfshirë në qarkullimin e parave virtuale.

Vetëm 13% e të intervisruarve janë përgjigjur se e njohin shumë mirë realitetin e kriptovalutave, ndërkohë që 31% e tyre janë shprehur se e njohin shumë pak. Ndërkaq, 45% e tyre e shohin si një mundësi për t’u pasuruar, dhe 10% si formë spekulimi. Të pyetur se ccfarë i krijon më shumë dyshime në përfshirjen në investime në kripto, 29% janë përgjigjur se ndikohen nga pasiguria, 22% nga mungesa e informacionit, dhe 19% nga spekulimi.

Të pyetur ccfarë e pengon përfshirjen e kriptove në aktivitetin e përgjithshëm, 53% e të intervistuarve kanë konsideruar paqendrueshmërinë ekstremë të monedhave virtuale si shkaktarin kryesor frenues, në një kohë që 22% e kanë lidhur këtë frenim me aktivitetet kriminale.

Lorenc Rabeta / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.