Paratë e gatshme vërshojnë tregjet në korrik – Parashikimi i ‘Goldman Sachs’: Do të jetë si një përmbytje!

Një “përmbytje” e parave nga shpërndarjet pasive të kapitalit do të vërshojë bursën e SHBA në fillim të korrikut, duke nxitur një rritje të qëndrueshme gjatë verës, vlerësoi zyra e tregtimit Goldman Sachs.

Një tremujor i ri – TM3, dhe një gjysmë i ri – 2H, po krijojnë një “mur parash” që do të vijë shpejt në tregun e aksioneve.

Përveç kësaj, çmimet e aksioneve duhet të përfitojnë nga tendencat e forta sezonale dhe angazhimi në rritje nga investitorët me pakicë. Shefi ekzekutiv i tregjeve globale u shpreh se priste një ringjallje të tregtarëve me pakicë gjatë verës, pasi ata priren të shfaqen në korrik.

Që nga viti 1928, 15 ditët e para të korrikut kanë qenë koha më e mirë e tregtimit të vitit për aksionet dhe ato priren të dobësohen pas 17 korrikut. S&P 500 është pozitiv në korrik dhe ka qenë i tillë për nëntë vjet, duke postuar një kthim mesatar prej 3.7%. Nasdaq 100 ka një rekord edhe më të mirë, duke shënuar një fitim 16-vjeçar në korrik, me një kthim mesatar prej 4.6%.

Sipas llogaritjeve të ‘Goldman Sachs’, rreth nëntë pikë bazë të kapitalit të ri injektohet çdo korrik.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.