Pagat rriten me ritmin më të shpejtë të dekadës – Niveli i rrogave në Gjermani, ende nën vlerën e vitit 2020

Kristi Ceta/SCAN

 

Pagat në Gjermani do të rriten me 5.6% në vitin 2024, një vlerë reale prej 3.1% kur përshtatet me inflacionin, njofton Instituti i Shkencave Ekonomike dhe Sociale në Fondacionin Hans Boeckler.

Duke parë të dhënat e gjysmës së parë të vitit, Instituti tha se kjo rritje është më e madhja në më shumë se një dekadë. Ndryshimet e këtij viti janë duke kompensuar për herë të parë ndjeshëm rënien masive të pagave reale në 2021 dhe 2022, shprehen zëdhënësit e institucionit.

Niveli i pagave kolektive në raport me çmimet është ende shumë nën vlerën maksimale të vitit 2020, megjithëse rreth gjysma e humbjeve të fuqisë blerëse të viteve të mëparshme janë kompensuar.

Rrogat më të larta rritin ndjeshëm fuqinë blerëse të punëtorëve, gjë që nxit shpenzimet e konsumatorit.

Kriza e fundit inflacioniste, e nxitur nga ndërprerjet e zinxhirit të furnizimit pas pandemisë dhe lufta e Rusisë në Ukrainë, pakësoi të ardhurat e disponueshme dhe rrjedhimisht kërkesën e konsumatorit.

Në gjysmën e parë të vitit, u arritën marrëveshjet e reja kolektive të pagave për më shumë se tetë milionë punonjës në Gjermani.

Për të mbrojtur kundër shtimit të mëtejshme të kostove, Banka Qendrore Evropiane do të monitorojë nga afër rritjen e rrogave për të informuar vendimet për normat e interesit.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.