Akuza për shmangien e taksave në Premier League – Skuadrat akuzohen se nuk kanë paguar taksat prej 470 milionë sterlina
Skuadrat e futbollit pjesëmarrëse në kampionatet angleze akuzohen se u janë shmangur taksave dhe vetëm në Premier League shifra llogaritet në 470 milionë sterlina që nga vitin 2015.
Shoqata e Politikës së Taksave, një ent konsulence, pretendon se klubet e kampionateve të të gjitha niveleve nuk kanë paguar detyrimet duke paraqitur kontrata artificiale të futbollistëve.
Zyra Kombëtare e Taksave konfirmoi në një deklaratë se po heton për disa raste, por refuzoi të japë detaje të mëtejshme.
Në raportin e Shoqatën e Politikës së Taksave theksohet se janë shmangur taksat e punës dhe Tatimi mbi Vlerën e Shtuar për pagesat që kanë përfituar agjentët e futbollistëve. Raporti nënvizon se agjentët që përfaqësojnë futbollistët gjatë bisedimeve me klubet për kontratat e këtyre të fundit, janë paguar në mënyrë të dyfishtë, pra për të përfaqësuar si klubin, ashtu edhe lojtarin.
Por, janë shmangur pagesat e detyrimeve për taksën e punës dhe Tatimin mbi Vlerën e Shtuar, ndonëse klubet paguajnë zakonisht gjysmën e honorareve për agjentët. Në disa raste ku vetë futbollistët kanë paguar të gjithë shumën për agjentin e tyre, nuk kanë paguar plotësisht detyrimet ndaj shtetit.
Nga ana tjetër, Zyra Kombëtare e Taksave deklaroi se, shqyrtojnë gjithnjë me kujdes marrëveshjet mes klubit e lojtarit dhe që nga viti 2015 nga industria e futbollit janë rikuperuar 573 milionë sterlina, që nuk do të kishin hyrë ndonjëherë në arkën e shtetit.
Ndërkaq, një zëdhënës I Premier League, theksoi se kanë bisedime të vazhdueshme me Zyra Kombëtare të Taksave për pagesat e agjentëve dhe nga ana tjetër klubet janë mëse të ndërgjegjshëm për ligjet e reja fiskale në këtë drejtim.
Dorina Kurtaj/SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.