Ari ndal rënien 8-ditore – Ndikohet nga stabilizimi i tregun të obligacioneve në SHBA

Ari po tregtohet i qëndrueshëm në sesionin e sotëm, duke i dhënë fund tetë sesioneve me radhë në rënie, seria më e gjatë e humbjeve që nga viti 2016. Tregu i metaleve të çmuara është stabilizuar, pas rënies së yield-it të obligacioneve në SHBA dhe tërheqjes së dollarit nga nivelet më të larta disa mujore.

Ari po tregtohet në rreth 1820 dollarë për onz, ndërsa argjendi po tregtohet në rreth 20.7 dollarë për onz. Ndërkohë, të dhënat e publikuara në SHBA treguan se punësimi në SHBA u rrit më pak se parashikimet e analistëve, gjatë shtatorit. Tashmë, investitorët po presin raportin zyrtar që publikohet të premten nga Departamenti i Punës.

Shitja masive që përfshiu tregun e bonove qeveritare në SHBA rrëzoi yield-in e obligacioneve 30-vjeçare në 5%, për herë të parë që nga viti 2007. Edhe yield-i i obligacioneve 10-vjeçare amerikane ra nga niveli më i lartë në 16 vitet e fundit, që regjistroi të martën.

Analistët shprehen se, nëse tregu i borxhit do të stabilizohet atëherë niveli i rezistencës për arin mund të jetë në rreth 1835 dollarë për onz.

Lidion Kulla / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.