Bashkitë kërkojnë më shumë fonde nga qeveria – Farrici: Transferta e pakushtëzuar duhet të rritet në nivelin e rajonit
Kryebashkiakët që do të dalin nga zgjedhjet vendore të 14 Majit, do të jenë në sfidë me menaxhimin e financave dhe ofrimin e shërbimeve më cilësore.
Në një intervistë për SCAN TV, Drejtoresha Ekzekutive e Shoqatës për Autonomi Vendore, thekson për të rritur cilësinë e shërbimeve, duhet që të rritet transferta e pakushtëzuar e qeverisë qendrore duke i bërë siç duhet kalkulimet lidhur me shpenzimet që ka secila njësi e vetëqeverisjes vendore. Aktualisht kjo transfertë është në nivelin 1 për qind të PBB.
Ndërkohë se fundmi është miratuar edhe strategjia për decentralizimin e mëtejshëm të pushtetit vendore e cila do të orientojë më mirë politikat e qeverisë qendrore dhe vendore drejt rritjes së të ardhurave të bashkive.
Një tjetër sfidë e bashkive të reja do të jetë shlyerja e detyrimeve të prapambetura dhe mos krijimi i borxheve të reja.
Elisabeta Dosku/SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.