Biden përjashton mospagimin e borxhit – Presidenti amerikan, në bisedime për ndryshimin e kufirit të tij

Presidenti i Shteteve të Bashkuara të Amerikës Joe Biden dhe ligjvënësit kryesorë ranë dakord për bisedime të mëtejshme që synojnë të thyejnë një bllokim mbi rritjen e kufirit të borxhit të SHBA-së prej 31.4 trilionë dollarë, vetëm tre javë përpara se vendi të detyrohet në një falimentim të paprecedentë.

Pas rreth një ore bisedimesh në Zyrën Ovale, Biden, një demokrat, dhe kryetari i Dhomës së Përfaqësuesve, Kevin McCarthy, një republikan, angazhuan ndihmësit e tyre në diskutime të përditshme rreth fushave të marrëveshjes së mundshme ndërkohë që afati i fundit është data 1 qershor.

Biden, McCarthy dhe tre liderët e tjerë të lartë të kongresit do të takohen sërish të premten. Kreu i Shtëpisë së Bardhë i cilësoi bisedimet “produktive” dhe u ofroi republikanëve disa kompromise të mundshme, duke përfshirë qasjen më të ashpër për herë të parë, në tërheqjen e fondeve të pashpenzuara të ndihmës për koronavirusin për të zvogëluar shpenzimet e qeverisë.

Por ai përsëriti se republikanët duhet të heqin dorë nga kërcënimi i falimentimit. Ai nuk përjashtoi përfundimisht përdorimin e amendamentit të 14-të të Kushtetutës së SHBA-së, një qasje e paprovuar më parë, që do ta shpallte kufirin e borxhit jokushtetues. Të bësh këtë do të kërkonte proces gjyqësor, tha Biden, por është një opsion që ai mund ta marrë në konsideratë në të ardhmen. Presidenti amerikan theksoi se të gjithë të pranishmit në takim e kuptuan rrezikun e falimentimit.

Republikani McCarthy nga ana e tij theksoi mungesën e progresit pas takimit. Ai u shpreh se nuk kishte parë asnjë lëvizje të re, duke u ankuar se Biden nuk pranoi bisedime të mëtejshme ndërsa koha po mbaronte. Sipas tij kjo nuk ishte mënyra e duhur për të qeverisur.

Por ai tha se Biden tregoi se ishte i hapur për të diskutuar reformat në procesin e lejeve për projektet e reja të energjisë si pjesë e bisedimeve. Ekonomistët paralajmërojnë se një mospagim i gjatë në kohë mund ta dërgojë ekonominë amerikane në një recesion të thellë me papunësi në rritje, ndërsa destabilizon një sistem financiar global të ndërtuar mbi bonot e SHBA. Investitorët po përgatiten për pasojat.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.