Bie kërkesa për naftë në SHBA – Pavarësisht rritjes ekonomike, kërkesa do të ulet dhe më shumë
Kërkesa për naftë në Shtetet e Bashkuara të Amerikës do të bjerë deri në vitin 2024, pavarësisht rritjes së aktivitetit ekonomik, duke zgjatur një shkëputje të fundit nga tradita ku kërkesa për karburantin e mallrave rritet me PBB-në. Parashikimet janë bërë nga Administrata e Informacionit të Energjisë.
Historikisht, PBB-ja është rritur së bashku me aktivitetin e prodhimit dhe konsumin e naftës, pasi më shumë porosi për mallra rrisin nevojën për transport mallrash; që është dhe nxitësi kryesor i kërkesës për naftë.
Megjithatë, pas një rritjeje të shkurtër në shpenzimet konsumatore për mallra gjatë kufizimeve të pikut të lidhura me pandeminë, prodhimi i sektorit të shërbimeve ka qenë nxitësi kryesor i rritjes së PBB-së, i cili kërkon më pak konsum të naftës.
Konsumi i naftës ra në tremujorin e parë krahasuar me të njëjtën kohë të vitit të kaluar, një periudhë e rritjes ekonomike, sipas të dhënave të zyrës së statistikave të Departamentit amerikan të Energjisë të SHBA.
Në deklaratë shtohet se prirja pritet të vazhdojë, me kërkesën për naftë për gjysmën e dytë të këtij viti nën mesataren e periudhës 2015-2019. Ndërsa një rënie e mëtejshme do të shënohet dhe më tej në 2024 – ën.
Midis tremujorëve të parë të vitit 2021 dhe 2023, shpenzimet për shërbime u rritën me 10% ndërsa shpenzimet për mallra u rritën vetëm 2% gjatë asaj periudhe.
Instituti për Menaxhimin e Furnizimit tha se Indeksi i Menaxherëve të Blerjeve të prodhimit ra në 46.9 muajin e kaluar nga 47.1 në prill. Ishte muaji i shtatë radhazi që ky tregues qëndroi nën pragun 50, që tregon tkurrje në prodhim dhe është shtrirja më e gjatë në kohë që nga Recesioni i Madh.
Ndërsa sektori i shërbimeve gjithashtu është ngadalësuar, indeksi jo-prodhues ishte ende në zgjerim dhe u ul në 50.2 muajin e kaluar.
Në vijim, pritet që kjo tendencë e më shumë shpenzimeve për shërbime të vazhdojë dhe PBB-ja të rritet me 1.3% në 2023 – shin.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.