Në kërkim të mënyrave për rritjen e likuiditetit – Bashkimi Europian nis sondazhin për borxhin e tij

Bashkimi Europian ka nisur një sondazh për të ndihmuar në rritjen e likuiditetit të borxhit. Blloku prej 27 vendesh anëtare do të anketojë pjesëmarrësit e tregut për të ndihmuar në identifikimin e mënyrave të mëtejshme për të rritur likuiditetin dhe atraktivitetin e obligacioneve të tij. Lajmi u konfirmua nga Komisioni Europian me anë të një deklarate për mediat.

BE-ja ka vendosur të mbledhë deri në 800 miliardë euro borxh të përbashkët deri në vitin 2026 për të financuar një fond të rimëkëmbjes pas COVID-it, përveç një skeme të mëparshme pandemike.

Kjo e ka bërë atë një nga emetuesit më të mëdhenj të bonove në më pak se tre vjet. Por zyrtarët e financimit të BE-së kanë thënë se investitorët nuk e trajtojnë atë si një qeveri, edhe pse ajo po rrit borxhin e përbashkët me mbështetjen e vendeve anëtare.

Reuters raportoi ekskluzivisht në prill se BE po përgatitej t’u afrohej ofruesve të indeksit, që borxhi të përfshihej në indekset e obligacioneve qeveritare, një lëvizje që do të tërhiqte kërkesë të qëndrueshme nga një grup shumë më i madh investitorësh globalë.

BE ka filluar gjithashtu shitjen e obligacioneve që mbështesin programet e saj të ndryshme nën një emërtim të vetëm dhe po përgatit një kornizë për bankat që t’u ofrojnë investitorëve kuota të rregullta çmimesh.

Johhanes Hahn, komisioneri europian për buxhetin dhe administratën u shpreh se do të nisë një anketim ndaj investitorëve, e cila do të ndihmojë t’u shërbehet atyre  edhe më mirë. Por dhe të përmirësohet më tej strategjia europiane e financimit dhe qasja ndaj tregut.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.